「你估下我系邊個？」(1)

中學時代，唔知大家有冇試過，在家中突然收到一位陌生女仔來電，開場白：「你估下我係邊個?」宜家諗番：「點估呀，你當我係神仙咩，齋聽聲就知你系邊位!」更可況，打比你個位小姐你根本唔識。

自問中學時不是什麼高大威猛、有型有款，但有時都會收到這樣的來電，當時的回覆通常都係：「Sorry，估唔到，你講唔講，唔講就收線。」，根往就收左佢地線，諗番都覺得幾型。
但有一日，又係一樣的開場白：「你估下我係邊個?」我又照舊：「Sorry，估唔到，你講唔講，唔講就收線。」點知佢當時的回覆系：「你可以叫我 Anmarine，可以跟我做個朋友嗎?」我當時打左個凸，唔知點接落去。靜左一陣之後，佢再講：「你要記往我把聲同埋我個名，因為之後我會晚晚比電話比你，bye。」，就系咁，我就開始同這位陌生人試著交流下去。

起初真係無咩話題，5至10分鐘就收線。不久，話題開始越來越多，大家變得無所不談，每日發生左咩野，都會系大家每日的話題。久而久之，每日等佢電話已變成習慣。

記得有一日，同佢講到我贏左一個校內的比賽，佢就叫我攞張紙記低d野，之後講左幾個數目字出黎，問我記清楚未，我讀一次比佢聽之後，佢話要好好記住，因為是送給我的禮物，起初唔為意，但當佢收左線之後，我再細心睇下，唔通系佢個電話號碼?即時試下打去，戰戰兢兢地說：「唔該，Anmarine。」雖然對方沒有回答，但一把熟悉的笑聲從電話內傳來。

由這裡開始

緣，好奇妙，有人深信存在，但無人可以解釋。

早上，遇上了一個熟識的面孔，雖然只擦身而過，但眼神交流時，大家帶着微笑。
看見她身邊的那個小女孩，好可愛。
回憶原來一直藏於心底，但對她的感覺變得十分模糊。
雖然大家都生活在這個地方，但上天安排見不到，十多年就真一次都無。

晚上，又在街遇上另一位中學同學，一年一度同學聚會上總會相遇，一年一見。
認識她，就是因為這位同學。
中學時，學校與學校之間，總是有一些人做橋樑，把兩邊的人連起。
站在兩邊的我和她，就是這道橋把我們連在一起。

中學時與她的點點滴滴，已經差不多全部忘記。
留下的，相信就只有心底的那份模糊的感覺。